Our Programs

عبده اوف وول ستريت

عبدالغفور البرعي هو بطل قصتنا عبده اوف وول ستريت 😀 وهى قصة مستوحي من قصة حقيقية حصلت فى اوائل القرن اللى فات وكان بطلها الحقيقى واحد اسمه “جيسى ليفيرمور” واللى كانت بدايته شبيهة ببداية نور الشريف فى “لن اعيش فى جلباب ابى” لانهم هما الاثنين ابتدوا من الصفر مع الفارق ان جيسى ابتدى فى وول استريت ونور الشريف فى وكالة البلح 😛
قصة حياة جيسى كانت ملهمة لكثير من المضاربين فى البورصة لما فيها من عبر ودروس قيمة, الا انها فى نفس الوقت قصة مفيدة جدا لاى حد عنده حلم وهدف لحياته حتى وان كان الهدف ده بعيدا عن مجال البورصة وسوق المال لانها قصة كفاح ونجاح عظيمة واللي نزلت فى كتاب سنة 1923م اسمه “مذكرات مضارب”واللي يعتبر اهم واقيم كتاب فى المجال ده الى وقتنا هذا.

عبده اوف وول ستريت

حكايات بينكى و برين

بينكى و برين هو مسلسل كارتون كان بيتعرض فالتسعينات عن فارين تجارب بيحاولوا فكل حلقه يسيطروا على العالم , برين الذكى و العقل المدبر اللى بيخطط و بينكى صديقه الوفى اللى برغم غبائه و سوء حظه من غيره الخطه ماتكملش برين ف حكياتنا هيكون الأفكار العبقريه و النجاح و الأبواب المفتوحه و الفرص اللى بتظهر للشخص أو الكيان صاحب الفكره و الحلم و الطموح , العاشق اللى حلمه هو وطنه , و الطير اللى قضى عمره كله بيبنى عشه و مرساه فالسما , مش على فروع الشجر، كل حلقة معانا مكافح جديد وصراع جديد بين بينكى وبرين.

حكايات بينكى و برين

هبسطهالك

كلنا عندنا فكرة قديمة عن البورصة والكلاكيع اللى فيها واللي مش اي حد يفهمها, وهو ده اللي حنثبت لك عكسه في برنامج “هبسطهالك”, البرنامج اللي حيعرفك على كل مفاهيم البورصة بشكل مبسط جدا وحتلاقى البورصة وسوق المال شربة ميه معانا واسهل من نظرية الكشرى بتاعت هانى رمزى فى “غبى منه فيه”

هبسطهالك

ZONE

برنامج zone هو برنامج فى الجون علشان ده البرنامج اللى مش حيقولك المعلومة وبس لكن حيعرفك ليه ايه هى مناطق الشراه والبيع ومنطقة وقف حد الخسارة علشان تداول صح، البرنامج مش متحضر من قبل متخصصين وبس ولكن بقدمه لكم المحلل المالى أ\محمود السيد بنفسه علشان ندخل معاه على أحلى Zone.

ZONE

بصه على البورصة

فى عصرنا دلوقتى “من يملك المعلومة فهو من يملك القوة” ويا سلام بقى لو تملك المعلومة فى الوقت المناسب ويا سلام لو تعرفها فى لحظتها ويا سلام لو تعرفها من قبلها، وهو ده اللى بيقدمه برنامج بصه على البورصة واللى حنقدم لكم فيه أجندة لأهم أحداث الأسبوع الجارى من أوله، علشان تبقى قاطع على الليلة من بدرى

بصه على البورصة

مارجن كول

زمان كان أما رجل أعمال يجيله مكالمة تقوله أم حسابه أتقفل علشان وصل للصفر وأنه كده خلاص أتمرجن، ساعتها بيفتح درج مكتبه بكل هدوء ويطلع المسدس ويحطه بقه أو فى دماغه هو ومزاجه جيه معاه بايه ويضرب طلقة الوداع، المكالمة دى كان أسمها “مارجن كول”، وفى البرنامج ده حنقولك تاخد بالك من ايه وتركز فى أيه بشكل كوميدى جدا علشان شر بره وبعيد عن السامعين متجيلناش المكالمة المشؤمة دى.

مارجن كول
أغنية يا بورصجية // BPT opening
icon-download
  1. أغنية يا بورصجية // BPT opening
  2. BPT Radio Song // BPT opening
  3. BPT Promo // BPT opening